Battlefield Vietnam kom út í dag.  Guð minn almáttugur eini sanni - hvað mig langar ótrúlega mikið til að labba inní B.T., kaupa leikinn, fara á skjálfta og drepa og drepa og drepa.  Hætta í skóla og tala ekki við nokkurn mann í svona 1-2 mánuði - eða a.m.k. þangað til maður hefur framið jafngildi þjóðarmorðs.

En það sorglega er að ég hét sjálfum mér að klára B.A. ritgerðina fyrst.  Ætli það gæti ekki verið besta gulrótin.  Sennilega.

Nú hafa ég og Wizards of the coast framlengt samning okkar um gerð Magic spila í seríu 9.  Nýjasta spilið er MacVíðir the Lhurgoyf legend.  Hver man ekki eftir Lhurgoyf spilinu skemmtilega, þar sem power og toughness fór eftir creature cards í graveyard.
MacVíðir er sérstök útgáfa af Lhurgoyf, þar sem power og toghness fer eftir fjölda hamburger spila í graveyard.  Þess má geta að 9. sería Magic, the gathering verður einmitt styrkt af MacDonalds.  Nafngift spils þess sem gert hefur verið um þann bíræfna Magic spilara, Víði Þórarinsson, er eingöngu tilviljun og tengist styrktaraðilum ekki neitt.

 

Hver man ekki eftir hinu frábæra Magic spili Goblin Polka Band?  Ekki ég allavega, því ég var ekki byrjaður að spila Magic þá.

Já, gott fólk, ég hef aldeilis ekki setið auðum höndum, heldur hef ég búið til nýtt spil.  Spil þetta vil ég tileinka sjálfum mér.  Þorkell hinn grimmi, eða Þorkell the vicious er Zombie Punk Cleric.  Spil þetta kemur að góðum notum á móti þeirri viðurstyggilegu uppfinningu sem nefnist counterspell og einnig getur hann downloadað Cleric token á borðið.  Download er einmitt nýtt feature í 9. seríu, en serían verður stafræn, með tengingu á alnetið.

Wizards of the Coast höfðu samband við mig og báðu mig um að hanna 9. seríu af Magic the Gathering.  Ég hef ákveðið að hafa Íslenskt þema, þ.e. íslensk creature og íslenska galdra.  Allir sem vilja leggja eitthvað til málanna eru vinsamlega beðnir um að pósta tillögur á þessa síðu.

Vil færa Einari Hróbjarti Jónssyni mínar dýpstu samúðarkveðjur.

Drengurinn hefur verið að gera tölvuna sína slarkfæra.  Nýr harður diskur, netkort, skjákort o.s.frv.  Heyrst hefur að minnið sé einnig nýlegt og örgjörvinn af hinni ágætustu gerð.

Tölvan hans virðist hvorki sætta sig við Windows XP home né XP pro.  Netkortið virðist ekki virka í XP, bara í Win 98.  Hvaða mannvonska er þetta.  Ég er viss um að einhver maður sem vinnur hjá netkortaframleiðendunum SMC hefur ákveðið að nú skyldi framleiða netkort sem virkar bara í Windows 98.  Þetta nær náttúrulega ekki nokkurri átt.

Svipaðar fregnir eru af Sparkle GeForce skjákorti Kalla bróður míns.  Það er eins og framleiðendurnir hafi ákveðið að gera mönnum mjög erfitt fyrir að eiga þetta blessaða skjákort lengur en í 3 mánuði.
Handónýtt kort, driverarnir alger hörmung og ekki beinlínis verið að gera málin einföld.

Eins og ég kom inná í gær, þá leiðist mér þetta endalausa "kennum öllu öðru um en okkur sjálfum" væl sem tíðkast í félagsvísindum og félagsfræði.  Hefur aldrei nokkur maður heyrt um hugtakið VILJASTYRKUR?   Er allt í einu gengið út frá því að maðurinn sé gjörsamlega viljalaust gerpi sem lætur undan öllu áreiti sem að honum berst?  Það er verið að líkja tölvuleikjafíkn við spilafíkn, sem síðan aftur er líkt við áfengissýki.  Mest mark vil ég taka á áfengissýki og eiturlyfjafíkn vegna þess að þá er sjúklingurinn virkilega undir áhrifum áþreifanlegra efna sem eitra líkama og sál.

Þetta er einnig ekki fyrsta atlagan sem gerð er að fjölmiðli.  Þegar Gutenberg hóf að prenta bækur í prentsmiðju á 13. öld, þá voru margir efins um ágæti bókarinnar.  Menn töldu að bókin myndi t.d. stuðla að minnisleysi og í raun myndi menningu samfélagsins hraka.

Ég horfði á fréttir Stöðvar 2 í gærkvöldi og mér gjörsamlega blöskraði.  Það var semsagt einhver félagsráðgjafi sem sagði að það færðist í vöxt að unglingar væru haldnir tölvuleikjafíkn.
Ég er nú að læra félags- og fjölmiðlafræði og B.A. ritgerðin mín fjallar meðal annars um tölvunotkun. Oft ofbýður mér gjörsamlega þegar einhverjir á svipuðum slóðum á fræðasviðinu eru að segja hitt og þetta um miðla.  Það er ekki nóg að kenna sjónvarpinu um ofbeldið í samfélaginu (sem var að sjálfssögðu ekki til fyrr en sjónvarpið kom til sögunnar), heldur þarf að finna nýjan blóraböggul.
Þessi félagsráðgjafi (misskiljið mig ekki, félagsráðgjafar eru að mínu mati upp til hópa mjög vandað fólk) hélt því fram að tölvuleikir og internetið stjórnuðu unglingum alveg og stuðluðu að félagslegri einangrun.  Hún talaði um að strákar myndu þurfa að vinna sig upp í tölvuleikjasamfélaginu með því að verða betri en sá næsti, en að stelpur væru á spjallrásum.  Ég ætla að vona að þessi ágæta manneskja hafi kannski einhver gögn sínu máli til framdráttar.
Ég hef nú stundað tölvuleiki allar götur síðan árið 1987, þegar ég fékk Commodore 64 leikjatölvuna í jólagjöf.  Ég er ekkki á þeim buxunum að hætta því, vegna þess að það er staðreynd að tölvuleikir eru líka fyrir fullorðna.   Annars væru þeir væntanlega ekki bannaðir innan 18 ára.  Þó svo að tölvuleikir væru ekki sérstaklega ætlaðir fullorðnum, þá myndi ég samt spila þá.  „Uss, 25 ára og ennþá að spila tölvuleiki" segir eflaust einhver núna.  Allt í lagi, hvers vegna er það betra að liggja eins og klessa og horfa á sjónvarpið öll kvöld?  Það virðist vera allt í lagi.  Það er talað um að sjónvarpið sameini fjölskylduna á góðri kvöldstund.  Einnig er talað um að vinir komi saman og horfi á sjónvarpið.  Er það einhvað betra en að vinir hittist, tengi saman tölvur og etji kappi við hvorn annan í einhverjum leik?  Ég hefði haldið að það væri öfugt.
Mig langar til gamans að tala um 10 atriði sem sjónvarpið hefur fram yfir tölvuleiki

1. Þú tekur þátt í tölvuleiknum - sjónvarp og bíómyndir mata þig með upplýsingum
2. Þú notar heilann (Manager, Roleplay-leikir, þrautaleikir)
3. Þú þjálfar samhæfingu augna og handar (Skotleikir, Spilandi fótboltaleikir, bílaleikir)
4. Þú ert sá sem ræður, tölvan gerir það sem þú segir
5. Þú fræðist um heilmargt tengt mannkynssögunni og tekur þátt í henni (Battlefield 1942, Call of Duty, Battlefield Vietnam, Delta Force Black Hawk Down, Civilization).
6. Þú getur brugðið þér í hlutverk einhvers annars og gert það með vinum þínum
7. Þú ræður því hvort vinir þínir séu með þér í liði eða á móti
8. Dagskránni lýkur þegar þér hentar
9. Tölvan birtir þér ekki staðalmyndir af því hvernig þú átt að vera
10. Leiðindi eins og innlit/útlit myndu aldrei eiga sér stað í tölvuleik, en það er oft í sjónvarpinu

Framhald á morgun...

Vegna fjölda áskorana hef ég ákveðið að skrifa formúlu að raunveruleikasjónvarpsþætti þar sem Ted Danson, Whoppi Goldberg og Vin Diesel eru send út í geim til að deyja.

The Space Race

(Með rödd mannsins sem les inná kvikmyndatrailera)

Three Outcasts...
Three bad actors...
One survivor...
They will be sent into orbit around the earth...
They will have nothing but Orbit chewing gum...
The winner gets the ultimate prize...

Vin Diesel
Whoopi Goldberg
Ted Danson

Hosted by the polish international football player, the tenacious midfielder (CM ´03-´04), Radoslaw Kaluzshny...

And the man who eats his own excrement for breakfast...the star of Lost in Space...and without a doubt the worst actor EVER, William Hurt.

THE SPACE RACE.

IF YOU CAN'T WIN, YOU´LL HAVE TO ORBIT CHEWING NOTHING BUT A BIT OF ORBIT OR A BIT OF DEHYDROGEN MONOXIDE

Síðasta löggumyndin í bili.

Breaking even

Brad Force (Rutger Hauer) er vikið tímabundið úr starfi sínu í lögreglu Atlanta (af því að einhverjar myndir gerast þar).  Hann hafði þá verið í miðri morðrannsókn, en misst stjórnar á sér við vitnayfirheyrslur og drepið eitt vitnið.  Sgt. Waters (Ernie Hudson) heldur yfir honum mikla tölu og hann biður Brad um skjöldinn og byssuna og mælir með því að hann sæti geðrannsókn.  Waters segir honum ennfremur að hann ætli að afhenda George Quinn (Jean-Claude Van Damne) starfið.  Brad sættir sig við að vera vikið úr starfi og viðurkennir að hann hafi gert mistök.  Hann sætir geðrannsókn og gengur það vel.  Hann fylgist með málinu í sjónvarpi og blöðum og reynir ekki að taka málin í sínar hendur.